ސައުދީ ރަސްގެފާނާއި ވަލީއަހުދުގެ ތަހުނިޔާ މުއިއްޒަށް
ސަލްމާން މިސްކިތް ވަގުތީ ގޮތުން ބޭން ކުރަމުން ދިޔަ ނަމަވެސް ރައީސް އިބްރާހިމް މުހައްމަދު ސޯލިހުގެ ސަރުކާރާއި ސައުދީ އާ އޮތް ގުޅުން ކުޑަވެފައި އޮތުމުގެ ސަބަބުން އެެ މިސްކިތް އަދިވެސް ރަސްމީކޮށެއް ނުހުޅުވަ އެވެ.
ސައުދީ އަރަބިއްޔާގެ ރަސްގެފާނު ސަލްމާން ބިން އަބްދުލް އަޒީޒާއި ވަލީއަހުދު އަދި ބޮޑު ވަޒީރު، މުހައްމަދު ބިން ސަލްމާން ދިވެހި ރާއްޖޭގެ އިންތިހާބީ ރައީސް ޑރ. މުހައްމަދު މުއިއްޒުއަށް ތަހުނިޔާ އާއި މަރުހަބާ ދަންނަވައިފި އެވެ.
އެ ދެބަފައިކަލުންގެ ފަރާތްޕުޅުން އިންތިހާބީ ރައީސް މުއިއްޒަށް މަރުހަބާ ދަންނަވާކަން ހާމަ ކުރައްވާފައި ވަނީ ސައުދީ ސަރުކާރުގެ ރަސްމީ އެކްސް އެކައުންޓް މެދުވެރިކޮށެވެ. އެ ދެބަފައިކަލުންނާ އެކުއެކީ ސައުދީން ރާއްޖެއަށް ކަނޑައަޅުއްވާފައި ހުންނަވާ ސަފީރު މެޓްރެކް އަލް ދޮސާރީގެ ފަރާތްޕުޅުން ވެސް އާ ރައީސް މުއިއްޒަށް މަރުހަބާ ވިދާޅުވެފައި ވެއެވެ.
ސައުދީ ސަފީރު ދޮސާރީ ވަނީ ދިވެހި ރާއްޖެ އާއި ސައުދީއާ ދެމެދުގައި އޮތް ގުޅުން ކުރިއަށް އޮތް ދުވަސްތަކުގައި އިތުރަށް ބަދަހި ކުރައްވާނެ ކަމުގެ ޔަގީންކަން ވެސް ދެއްވައިފައެވެ. ސައުދީ އާއި ރާއްޖެއާ ދެމެދު އެންމެ ބަދަހި ގުޅުމެއް އޮތީ ރައީސް އަބްދުﷲ ޔާމީންގެ ސަރުކާރުގަ އެވެ.
ސައޫދީން ރާއްޖޭގެ އިންތިހާބީ ރައީސަށް މަރުހަބާ ވިދާޅުވި އިރު މުއިއްޒުގެ ބެއްލެވުމުގެ ދަށުން ރައީސް އަބްދުﷲ ޔާމީންގެ ސަރުކާރުގައި ބޮޑެތި ޕްރޮޖެކްޓްތައް ހިންގި އިރު ސައުދީ އަކީ ރާއްޖެއާ އެންމެ ގުޅުން ބަދަހި އެއް ގައުމެވެ.
އަދި އެ ދުވަސްވަރު ސަލްމާން ރަސްގެފާނުގެ ނަންފުޅުގައި ސައުދީ ހިލޭ އެހީން ރާއްޖޭގެ އެންމެ ބޮޑު މިސްކިތް ސަލްމާން މިސްކިތް ތަރައްގީ ކުރެއްވުމުގެ އިސްވެރިޔާގެ ރޯލު އަދާ ކުރެއްވީ މުއިއްޒެވެ.
ސަލްމާން މިސްކިތް ވަގުތީ ގޮތުން ބޭން ކުރަމުން ދިޔަ ނަމަވެސް ރައީސް އިބްރާހިމް މުހައްމަދު ސޯލިހުގެ ސަރުކާރާއި ސައުދީ އާ އޮތް ގުޅުން ކުޑަވެފައި އޮތުމުގެ ސަބަބުން އެެ މިސްކިތް އަދިވެސް ރަސްމީކޮށެއް ނުހުޅުވަ އެވެ. އަދި އެ މިސްކިތަށް އަޅައިލުން ކުޑަވުމުގެ ސަބަބުން އެކަށީގެންވާ ގޮތުގައި މިސްކިތުގެ ވަސީލަތްތައް ބޭނުމެއްވެސް ނުކުރެވެ އެވެ.
ކޮމެންޓް
ދެން ރަނގަޅުވާނެ ހުރިހާކަމެއްވެސް
Republic of Maldives