ނައިފަރުން 13 އަހަރުގެ ކުއްޖަކު ގެއްލިއްޖެ، ހަބަރެއް ނުވާތާ ތިން ދުވަސް
ހޯދަމުން ދަނީ ޅ. ނައިފަރު / ސީނިޔާގެ، ހަދީޖަތު މައިސަރާ އަބޫބަކުރު ފައިސަލް (13އ) އެވެ.
ފާދިއްޕޮޅުގެ ވެރިރަށް -- ނައިފަރުން ކުއްޖަކު ގެއްލިގެން އޭނާގެ ފޮޓޯއާ ވަނަވަރާ އާންމުކޮށް އެ ކުއްޖާ ހޯދަމުންދާކަން ދިވެހި ފުލުހުންގެ ހިދުމަތުން އިއުލާނު ކޮށްފި އެވެ.
ހޯދަމުން ދަނީ ޅ. ނައިފަރު / ސީނިޔާގެ، ހަދީޖަތު މައިސަރާ އަބޫބަކުރު ފައިސަލް (13އ) އެވެ. ފުލުހުން ބުނީ ހަދީޖަތު މައިސަރާ، އާއިލާއަށް ހަބަރެއް ނުވެ ގެއްލިފައިވާ ކަމަށް ރިޕޯޓު ކޮށްފައި ވާތީ ހޯދުމުގެ މަސައްކަތް ފުލުހުން ދަނީ ކުރަމުންނެވެ.
ހަދީޖަތު މައިސަރާ، އެންމެ ފަހުން ފެނިފައިވަނީ ސެޕްޓެމްބަރު މަހުގެ 28 ވަނަ ދުވަހު ހަވީރު ނައިފަރުން ކަމަށް އާއިލާއާ ހަވާލާދީ ފުލުހުން ބުންޏެވެ. އަދި އޭރު ލައިގެން ހުރީ މުށިކުލައިގެ ޓޮޕަކާއި މަޑުނޫކުލައިގެ ޖީންސެއް ކަމަށާ އަރައިގެން ހުރީ ކަޅުކުލައިގެ ފައިވާނަކަށް ކަމަށް އާއިލާ އިން ފުލުހުންނަށް މައުލޫމާތު ދީފައިވާ ކަމަށް ވެސް ބުންޏެވެ.
ފުލުހުން ވަނީ އެ ކުއްޖާއާ ގުޅޭ އެއްވެސް މައުލޫމާތެއް ލިބިފައިވާނަމަ ހިއްސާ ކުރަން އެދިފައެވެ.
ކޮމެންޓް
ހާދަ ދެރަ އޭ
Republic of Maldives