މިދިޔަ މަހު އެލައިޑުގެ އިންޝުއަރެންސް ބަދަލު 22 މިލިނުން މަތީގަ
އެލައިޑަކީ 1980 ގެ އަހަރުތަކުން ފެށިގެން ރާއްޖޭގެ އެންމެ ވަރުގަދަ އިންޝުއަރެންސް ކުންފުންޏެވެ. އެ ކުންފުނިން ދޭ ކްލެއިމްގެ ތެރޭގައި ހެލްތް އިންޝުއަރެންސް ބޮޑު އަދަދެއް ހިއްސާ ކުރެ އެވެ.
ރާއްޖޭގެ އެންމެ ބޮޑު އިންޝުއަރެންސް ކުންފުނި، އެލައިޑުން މިދިޔަ މަހު އިންޝުއަރެންސަށް ކަސްޓަމަރުންނަށް ބަދަލުގެ ގޮތުގައި ދެއްކި އަދަދު 22 މިލިއަނަށްވުރެ ބޮޑެވެ.
އެލައިޑް އިންޝުއަރެންސުން ބުނި ގޮތުގައި އެ ކުންފުނިން މިދިޔަ މަހުގެ އެއްވަނަ ދުވަހުން ފެށިގެން އެ މަހުގެ ނިޔަލަށް ކްލެއިމް ނުވަތަ އިންޝުއަރެންސް ބަދަލުގެ ގޮތުގައި 22 މިލިއަނަށްވުރެ ބޮޑު އަދަދެއް ދައްކާފައިވާނެ ކަމަށެވެ.
ރާއްޖޭގެ އިންޝުއަރެންސް މާކެޓުގައި އެންމެ ފުޅާކޮށް ހިދުމަތްދޭ ކުންފުނި ކަމަށްވާ އެލައިޑުގެ އިސް އޮފިޝަލަކު "މި" ނޫހަށް ވިދާޅުވި ގޮތުގައި ކޮންމެ މަހަކު ވެސް އެ ކަސްޓަމަރުންނަށް ދޭ ކްލެއިމްގެ އަދަދު އާއްމު ކުރަމުންދާ ކަމަށާ ނަމަވެސް ބްރޭކަމަށްފަހު އަލުން އެ ހިސާބުތައް އާއްމު ކުރަން ފަށާފައިވާނެ ކަމަށެވެ.
"މީގައި ހިމެނޭނެ ލައިފް އިންޝުއަރެންސުވެސް. މިއީ އެންމެ ކަސްޓަމަރެއްގެ ކްލެއިމް އެކަންޏެއް ނޫން. މީގެން އެނގެނީ އެލައިޑު މި މާކެޓުގައި ވަރުގަދަ މިންވަރު،" އޮފިޝަލް ވިދާޅުވި އެވެ.
އަދި 1987 ވަނަ އަހަރުގެ ކުރީކޮޅު އެސްޓީއޯއިން ވަނީ އެލައިޑް އިންޝުއަރެންސް ޗާޓަރުކޮށްގެން ކޮމާޝަލް ޔޫނިއަން އެޝުއަރެންސްގެ ހިއްސާ އަނބުރާ ގަނެ ދިވެހިންގެ އަމިއްލަ ކުންފުންޏަކަށްވި އެވެ. މިއަދު މި ކުންފުންޏަކީ ރާއްޖޭގެ ކުރިއެރުމާއި ތަރައްގީއަށް ހިއްސާކުރާ އެންމެ ބޮޑު އެއް ފައިނޭންޝަލް އިންސްޓިޓިއުޓް އަދި އެންމެ ފާހަގަކޮށްލެވޭ އިންޝުއަރެންސް ބްރޭންޑެވެ. އެލައިޑް އަކީ ފާއިތުވި އަހަރުތަކުގައި އެ ކުންފުނީގެ ވޮލިއުމް އާއި ވިޔަފާރީގެ ފައިދާގެ ގޮތުން ވެސް ބޮޑު ކުރިއެރުމެއް ހޯދާފައިވާ ކުންފުންޏެކެވެ.
ކޮމެންޓް
Republic of Maldives