އިފުރު އައިލެންޑް ދެވަނަ އެއާޕޯޓް ރިސޯޓް | ސްކައި ޑައިވިންގެ ތަޖުރިބާ

ރާއްޖޭގެ އެއާޕޯޓެއް ހިންގާ ރަށެއްގައި ފުރަތަމަ ރިސޯޓެއް ހުޅުވީ ކޫއްޑޫގައި ހުޅުވި މާކިއު ކޫއްޑު އެވެ. އޭގެ ފަހުން މި މަހުގެ 23 ވަނަ ދުވަހު މިވަނީ އެއާޕޯޓް ހިންގާ ރަށެއްގައި ހުޅުވި ދެވަނަ ރިސޯޓް ރ. އިފުރު އައިލެންޑް މޯލްޑިވްސް ހުޅުވާފަ އެވެ. 

ގުދުރަތީ ރީތި ކަމުން ފުރިފައިވާ ރ. އިފުރު އެއާޕޯޓް ހިންގާ ރަށުގައި ހުޅުވި މި ރިސޯޓުގެ ހުރިހާ ކޮޓަރިތަކެއް ވެސް ހަދާފައި ވަނީ އިރު އަރާ މަންޒަރު ކޮޓަރީގެ ދޮރު ހުޅުވާލުމުން ފެންނަ ގޮތަކަށެވެ. 

މި ރިސޯޓުގައި ޖުމްލަ 147 ބީޗް ސުއިޓް ހުރެ އެވެ. 

މި ރިސޯޓް ހަދާފައި ވަނީ ޒަމާނީ އިންޓީރިއާގެ ފުރިހަމަ ހުނަރުވެރިކަން ބޭނުން ކޮށްގެންނެވެ. މި ކޮޓަރިތަކުގެ ތެރޭގައި ޓޫރިސްޓުންނަށް ބީޗުގެ ކައިރީގައި ހަދާފައިވާ ސަންސެޓް ބީޗް ސުއިޓެއް ނުވަތަ ސަންސެޓް ބީޗް ވިލާތަކުގެ ސަބަބުން ރިސޯޓު އިތުރަށް ފުރިހަމަ ވެގެން ދެއެވެ. 

މި ވިލާތަކުގެ އިތުރުން ސަންސެޓް ބީޗް ވިލާތަކެއް ޕޫލް ހިމަނައިގެން ހަދާފައި ވުމަކީ އެ ތަނުގައި ޗުއްޓީ ހޭދަ ކުރަން ދާ މެހުމާނުންނަށް އިތުރު ހިތް ފަސޭހަ ކަމެއް ލިބިގެން ދާނެ ކަމެކެވެ. 

އިފުރު އައިލެންޑް ރިސޯޓް ހިންގަނީ ޕްރައިވެޓް ސަންޗުއަރީ ކުންފުނިންނެވެ. މި ރިސޯޓުގައި ވޯޓާ ސްޕޯޓްސް އާއި ޓެނިސް އެންޑް މަލްޓި ކޯޓާއި 24 ގަޑިއިރު ފިޓްނަސް ސެންޓަރެއް ހިމެނެ އެވެ. މީގެ އިތުރުން އެކި ކެއުންތަކަށް ހާއްސަ ރެސްޓޯރެންޓްތަކާއި ކިޑްސް ކްލަބް ފަދަ ގިނަ ވަސީލަތްތައް ފުރިހަމަ ކޮށްފައި ވެއެވެ. މީގެ އިތުރުން މި ރިސޯޓަށް އަންނަ ޓޫރިސްޓުންނަށް ސްކައި ޑައިވިން ފަދަ ތަފާތު ކުޅިވަރުތައް ލިބެން ހުރެ އެވެ.