ގްރީން ފަންޑުން 357 މިލިއަން ރުފިޔާ ނަގައިފި
ދިވެހި ރާއްޖޭގެ ގައުމީ ގްރީން ފަންޑަށް މިދިޔަ މަހު 90 ޖަމާވެފައިވެ އެވެ. އަދި މިދިޔަ މަހު އެ ފަންޑުން 70 މިލިއަން ރުފިޔާ ވަނީ ހަރަދު ވެސް ކޮށްފަ އެވެ.
ގްރީން ޓެކުހުގެ އާމްދަނީ ޖަމާވާ ފަންޑަށް މި އަހަރުގެ ޖުލައިގެ ނިޔަލަށް އެއް ބިލިއަން ރުފިޔާ ޖަމާވިއިރު މި ފަންޑުން 357 މިލިއަން ރުފިޔާ ހަރަދު ކުރަން ނަގައިފި އެވެ.
ތިމާވެށި ހިމާޔަތް ކުރަން / ކުނީގެ މައްސަލަ ހައްލު ކުރަން ކަމަށް ބުނެ ނަގަން ފެށި ގްރީން ޓެކްސް ޖަމާވާ އެކައުންޓުގެ ހިސާބުތައް ދައްކާ ގޮތުގައި މި މަހުގެ ޖުލައި މަހު މި ފަންޑަށް 91 މިލިއަން ރުފިޔާ ވަނީ ޖަމާވެފަ އެވެ. އަދި މި އަހަރުގެ މިދިޔަ ޖުލައިގެ ނިޔަލަށް ޖުމްލަ 617,3 މިލިއަން ރުފިޔާ މި ފަންޑަށް ލިބިފައިވެ އެވެ.
ގްރީން ފަންޑުގެ މި އަހަރުގެ ޖަމާ
- ޖެނުއަރީ - 100,7 މިލިއަން
- ފެބްރުއަރީ - 91,8 މިލިއަން
- މާރިޗު - 105,4 މިލިއަން
- އެޕްރީލް - 94,9 މިލިއަން
- މެއި - 83 މިލިއަން
- ޖޫން - 50,2 މިލިއަން
- ޖުލައި - 91 މިލިއަން
މި އަހަރުގެ މިހާތަނަށް ގްރީން ފަންޑުން ޖުމްލަ 357,7 މިލިއަން ރުފިޔާ ހަރަދު ކޮށްފައިވާއިރު މި ފަންޑުން އެންމެ ބޮޑު ހަރަދެއް ކޮށްފައި ވަނީ ޖެނުއަރީ މަހު އެވެ. އެ މަހު 74 މިލިއަން ރުފިޔާ ހަރަދު ކުރަން ނަގާފައިވެ އެވެ.
މިދިޔަ ޖުލައި މަހު މި ފަންޑުން 70 މިލިއަން ރުފިޔާ ހަރަދު ކުރަން ނަގާފައިވެ އެވެ. މިދިޔަ މަހު އެންމެ ބޮޑު ހަރަދެއް މި ފަންޑުން ކޮށްފައި ވަނީ ގޮނޑުދޮށް ހިމާޔަތް ކުރުން ފަދަ ކަންކަމަށެވެ.
ކޮމެންޓް
ދުވާލަކަށް $3 އަދި ދުވާލަކަށް $6 ގެ މިގުން. 5 ދުވަހު ގެސްޓް ހައުސް އެއްގައި ޗުއްޓީ ހޭދަކުރާ ގެސްޓަކު $15 ދޭން ޖެހެއެވެ.
Republic of Maldives