ރައީސްގެ މީމު ދަތުރުފުޅު ނިންމަވާލައްވައިފި
މީމު ދަތުރުފުޅުގައި އެ އަތޮޅުގެ ރަށްރަށުގެ ކައުންސިލްތަކާއި، ޑަބްލިޔުޑީސީތަކާ ބައްދަލު ކުރެއްވެވިއެވެ. އަދި ބައެއް ރަށްރަށުން ރައްޔިތުންނާ ވެސް ބައްދަލު ކުރެއްވެވި އެވެ.
ހަފުތާ ބަންދާ ދިމާކޮށް ރައީސް އިބްރާހިމް މުހައްމަދު ސޯލިހު މެދު އަތޮޅުތަކުގެ މ. އަތޮޅުން ފަސް ރަށަކަށް ކުރެއްވި ދަތުރުފުޅު ނިންމަވައިލައްވައި މިއަދު މާލެ ވަޑައިގެންފި އެވެ.
ހޮނިހިރު ދުވަހު ފެއްޓެވި ރައީސްގެ މީމު ދަތުރުފުޅުގައި އެންމެ ފުރަތަމަ ވަޑައިގެންނެވީ އެ އަތޮޅު ރަތްމަންދޫ އަށެވެ. އޭގެ ފަހުން މަޑުއްވަރީ އާއި ދިއްގަރާއި ވޭވަށުގެ އިތުރުން އެއަތޮޅުގެ ވެރިކަންކުރާ ރަށް މުއްޔަށްވެސް ވަޑައިގަތެވެ.
- ވޭވަށުގެ ބަނދަރު ހުޅުވައި ދެއްވި
- ވޭވަށުގެ އާ އިންޖީނުގެއާ އޮފީސް ހުޅުއްވައި ދެއްވި
- ދިއްގަރުގެ ގޮނޑުދޮށް ހިމާޔަތްކުރުން ނިންމުމުގައި ބައިވެރިވެވަޑައިގަތް
- ދިއްގަރުގެ ވޮލީކޯޓު ހުޅުވުމުގައި ބައިވެރިވެ ވަޑައިގަތް
މީމު ދަތުރުފުޅުގައި އެ ރަށްރަށުގެ ކައުންސިލްތަކާއި، ޑަބްލިޔުޑީސީތަކާ ބައްދަލު ކުރެއްވެވި އެވެ. އަދި ބައެއް ރަށްރަށުން ރައްޔިތުންނާ ވެސް ބައްދަލު ކުރެއްވެވި އެވެ. ރައީސްގެ މިދަތުރުފުޅުގައި ރަށްރަށުގައި ކުރިއަށްގެންދާ އުމުރާނީ ތަރައްގީގެ މަޝްރޫއުތަކުގެ މަސައްކަތްތައް ކުރިޔަށްދާ ގޮތްވެސް ބައްލަވާލެއްވި އެވެ.
ކޮމެންޓް
Republic of Maldives