ބަރަހަނާ ފޮޓޯ އާއި ވީޑީއޯ އާންމު ކުރުމާއި ފާޅުކަން ބޮޑު ގޮތެއްގައި އޮރިޔާންކާޑު އުފައްދާ އާންމު ކުރި މައްސަލާ ގައި މި މިހާ ވަނީ ކުރީން އެއް އަހަރާއި އެއް މަހާއި ހަ ދުވަހަށް ޖަލަށް ލާފައެވެ.
ބަރަހަނާ ފޮޓޯ އާއި ވީޑީއޯ އާންމު ކުރުމާއި ފާޅުކަން ބޮޑު ގޮތެއްގައި އޮރިޔާންކާޑު އުފައްދާ އާންމު ކުރަމުން ދިޔަ މުހައްމަދު ނަބީލް (ޔާޔާ ނަބީލް)، އަލުން ޓިކްޓޮކަށް އައިސް އަންހެން ހެދުން އަޅައިގެން ވީޑިއޯ ހަދާ ލައިވް ކުރާ މައްސަލަ ބަލަމުންދާ ކަމަށް ފުލުހުން ބުނެފި އެވެ.
ބަރަހަނާ ފޮޓޯ އާއި ވީޑީއޯ އާންމު ކުރުމާއި ފާޅުކަން ބޮޑު ގޮތެއްގައި އޮރިޔާންކާޑު އުފައްދާ އާންމު ކުރި މައްސަލާ ގައި މި މިހާ ވަނީ ކުރީން އެއް އަހަރާއި އެއް މަހާއި ހަ ދުވަހަށް ޖަލަށް ލާފައެވެ. ޖަލު ހުކުން ތަންފީޒު ކޮށް މިނިވަން ވުމުން އޭނާ ވަނީ އަލުން ޓިކްޓޮކް ވީޑިއޯތައް ހަދަން ފަށާފައެވެ. އަދި މި ފަހުން އޭނާ ގެންދަނީ އަންހެން ހެދުން އަޅައިގެން ހުރެ ވީޑިއޯ ހަދާ އާންމު ކުރަމުންނެވެ. ނިވާކަން ކުޑަ ގޮތެއްގައި އަންހެން ހެދުން އަޅާ އެކި ކަހަލަ ވީޑިއޯތައް ހަދާ ކޮންމެ ރެއަކު އެތައް ގަޑިއިރެއް ވަންދެން ލައިވް ޖައްސައިގެން ހުރެ އެވެ.
އެކަމާއި ގުޅިގެން އާންމުންގެ މީހަކު ވަނީ ފުލުހަށް ޓެގްކޮށް އެ މައްސަލަ ނުބަލާތޯ ސުވާލު ކޮށްފައެވެ. ފުލުހުންގެ ތަރުޖަމާން އަހްމަދު ޝިފާން ވިދާޅުވީ އެ މައްސަލަ ސަމާލު ކަމަށް އައިސްފައިވާ ކަމަށާ މައްސަލަ ބަލަމުންދާ ކަމަށެވެ. އިތުރު ތަފްސީލެއް ނުދެ އެވެ.
ރާއްޖޭގައި ޓިކްޓޮކް ބޭނުން ކުރާ ވަރަށް ބޮޑު އާބާދީއެއް އެބަ އޮތެވެ. ނަމަވެސް ގިނަ ބަޔަކު ޓިކްޓޮކް ބޭނުން ކުރަނީ އާންމު އިޖްތިމާއީ މިންގަނޑާއި ހިލާފު އަމަލުތައް ހިންގުމަށެވެ. ނިވާކަން ކުޑަ ހެދުން އަޅައިގެން ވީޑިއޯކޮށް އާންމު ކުުރުމާއި ފިރިހެނުން އަންހެން ހެދުން އަޅައިގެން ތިބެ ނެށުމާއި އެކަކު އަނެކަކަށް ޒުވާބު ކުުރުމާއި ހުތުރު ބަހުން ވާހަކަ ދެއްކުން ފަދަ އެތައް ކަމެއް ހިންގައެވެ. ބައެއް މީހުން އެ މީހުންގެ އަމިއްލަ ދިރިއުޅުމުގެ ކަންކަން ކިޔައިދީ އެކަންކަމަށް ގޮތް ނިންމަނީ ވެސް ޓިކްޓޮކް ލައިވް ތަކުގައެވެ.